Parikan Malem Senen

Wanto Tirta

mikul semen ketiban andha
jajal mlumpat nyenggol dhadha
malem senen donge rondha
arep mangkat anake nggodha
kluban sladha nyogok mata
buntel lemper kesiram lenga
jadwal rondha wis temata
komendir nyamper detinggal lunga
warung tutup ora mlongo
mata celong ketiban nangka
antap untup langak longok
nabuh kenthong tabuhe langka
menggok tikungan weruh landa
ora poyan tuku jajanan
warga lingkungan kuwajiban rondha
padha brayan jaga kahanan
ngasah gaman kurang marem
sirah mumet rambut decukur
desane aman ayem tentrem
turune anget uripe makmur


Wis demuat nang Harmas 23 Juli 2015

0 comments :

Post a Comment

Kesuwun rawuh lan komentaripun, Sedulur...