Parikan Ngaji

aci kanji mung sekarung
njur deramu degawe lawuh
agi ngaji mantep retung
nambah ilmu sugih kaweruh

mangkat sekolah numpak sedhan
sedhan baris jalan gentenan
ustad ceramah aweh tauladan
qur'an khadist go pedoman



tuku uyah njangan umbut
madan mongkog medang jeruk
para jamaah manggut manggut
krasa cocog ora ngantuk

manuk kedhasih matane merem
mabur sawah nyucuk sremet
pikirane bersih atine ayem
bali ngumah turu anget

bagwe lodhong pringe bolong
krungu titir nabuh kenthong
lunga ngendhong krasa bombong
srawung batir aja sombong

07092015



GURITANE
Wanto Tirta

wis demuat nang Harmas 10 September 2015

0 comments :

Post a Comment

Kesuwun rawuh lan komentaripun, Sedulur...